المساعد الشخصي الرقمي

مشاهدة النسخة كاملة : كفرت بالثوره


محمد مجاهد
08-01-2013, 07:28 PM
مش تستغربوا من كلامي أيوه كفرت بالثورة وملعون ابو الثورة اللى خلتني أعيش الكابوس ده
أعيش كابوس بشع يدمي قلبي قبل عيني على حال بلدي مصر

وبقى لسان حالي يقول فين أيامك يا مبارك!! زي ناس كتير كنت بقول عليهم ناس جهله ومتخلفين وغير مثقفين

يمكن أختلف عنهم عن أسباب قولى فين ايامك يا مبارك!

ايوه عايز أيام مبارك ترجع تاني لأن أيام مبارك كان عدونا واحد وهو نظام فساد ورجاله الذين جعلوا من مصر عزبه لهم وأهلها عبيد عندهم

عايز ايام مبارك ترجع عشان وقتها كان قلبنا على قلب بعض ومفيش بينا كلمة خااااااااااااااااين!

عايز ايام مبارك ترجع تاني لأن عمرنا ما قولنا أنت تبع ميييييييين؟
أخواني؟ سلفي؟ علماني؟ ليبرالي؟ ملحد؟ مسيحي؟ قول أنت تبع مييييييييييين؟

عايز ايام مبارك ترجع لأن عمرنا ما سمعنا أن حد مات قولنا القتيل تبع مين ؟!!

عايز أيامك يا مبارك ترجع لأن عمرنا ما شوفنا مصري يقتل مصري عشان أختلاف الرأي ويدبحه بدم بارد ويقول أقتلوه لأنه .....

عايز أيامك يا مبارك ترجع عشان أحنا شعب لا يعرف معني الحريه وأعتاد على القهر والظلم والتنكيل به!

عايز أيامك يا مبارك ترجع لأن عمر الأصدقاء والجيران والأهل بينهم كلمة تخوين
فى ايام مبارك كان عندي أمل أن بكره أحسن وبكره يجي يوم ويحكمنا مصريون يعشقون هذا البلد

ولكن الأن أعيش فى كابوس بشع ويعيشه الكثير من الشرفاء الذى ليس لهم أى مصالح سوى أنهم يحلمون أن تكون مصر أم الدنيا بجد

كرهت مناظر الدم الذى يروي ترابك يا مصر كل ساعه وأول سؤال من البعض القتيل تبع مين ؟؟
ماتت القلوب والعقول والضمائر عن الكثير!! ويحكمهم التعصب الأعمى والمصالح والتخوين

ملعون أبو دي ثورة والله يرحم الشهداء الذين استشهدوا من أجلنا ونحن نقتل بعضنا البعض من اجل الشيطان
منك لله يا مبارك زرعت الفساد فى كل مكان
منكم لله يا نخبه ترقصون على جثث الشعب
منكم لله يا خونه الأعلام زرعتم نار الفتنه والتعصب والكذب والتلفيق ضد الشعب الواحد
منكم لله يا من تسعون لخراب هذا البلد الأمن باذن الله تعالى

فجر الحرية
08-01-2013, 11:16 PM
ثورتكم كانت من أعظم الثورات ولكن للأسف الشديد سرقت منكم
مصر بلد الأمن والأمان و لن ينال منها أعداؤها مهما حاولوا
ستعود مصر ان شاء الله آمنة
وحسبنا الله ونعم الوكيل فيمن كان السبب في اراقة دماء الأبرياء
لا تيأس أخي فما عرفنا من إخواننا المصريين إلا اليقين والثبات والصمود
فهذه مصر أرض الكنانة حفظها الله وأهلها